Arbeiðsøki

Heilsustýrið er ein sjálvstøðugur stovnur undir Heilsumálaráðnum og fór formliga at virka 1. januar 2023, tá virksemið hjá Fólkaheilsuráðnum, Ílegusavninum og Deildini fyri Arbeiðs- og Almannaheilsu varð savnað undir nýggja stovninum.

Uppgávurnar hjá Heilsustýrinum kunnu skiljast sundur í nøkur yvirskipað øki:

Ráðgeving og upplýsing

• Gera tilmæli til politiska myndugleikan um ráðlegging innan heilsuøkið
• Veita heilsufakliga ráðgeving til myndugleikar og stovnar
• Tilevna vegleðingar og leiðreglur til heilsulóggávu
• Veita borgarum og almenninginum kunning um heilsufaklig viðurskifti
• Hava um hendi fólkaheilsuarbeiði, heilsufremjan og fyribyrging

Hagtøl og skráir

• Skipa, viðgera og menna hagtøl á heilsuøkinum
• Gera greiningar og heilsufrágreiðingar
• Skipa, umsita og menna heilsuskráir
• Umsita tær uppgávur, ið eru lagdar til Ílegusavnið sambært ílegulógini

Tilbúgving

• Umsita tilbúgvingina í heilsuverkinum
• Umsita farsóttarlógina