ES-kommisjónin viðurkennir ABC fyri sálarliga heilsu

ES-kommisjónin hevur savnað 29 dømi í einum yvirliti um átøk, ið verða mett at vera tey bestu og við mest lovandi útlitum til at fara til verka innan  sálarliga heilsu. ABC fyri sálarliga heilsu er nú komið á yvirlitið, og tað má sigast at vera ein stór viðurkenning. Í døminum hjá ES-kommisjónini verður víst til arbeiðið við ABC fyri sálarliga heilsu í Danmark, og hvussu samstarvsfelagin, DGI, hevur funnið ein máta at seta ABC í verk innan ítrótt.

ABC fyri sálarliga heilsu hevur virkað í Føroyum í 7 ár.

Hósdagin skipar ES-kommisjónin fyri einum webinari við evninum “Increasing mental health understanding, awareness, and acceptance together”. Endamálið er at vísa á, at vit eru betri í felag og vísa á tilgongdir og verkætlanir, ið stimbra fatan, tilvitsku og góðkenning av sálarligari heilsu. Dentur verður millum annað lagdur á, hvussu sálarlig heilsa eisini kann tilskrivast sterkum samstørvum við umsorganar-, ítróttar- og tøkniliga geiran. Umboð fyri ABC í Danmark fara at leggja fram á webinarinum undir evninum “hugkveikjandi verkætlanir” . Nærri kunning um webinarið sæst her: https://europa.eu/!TCkxpV