Móttøka í Fólkaheilsustýrinum

Fólkaheilsustýrið hevur nú virkað í eitt ár, og á fyrsta føðingardegnum varð farsóttarmálsøkið flutt á føroyskar hendur til Fólkaheilsustýrið at umsita. Í hesum sambandi varð skipað fyri móttøku 3. januar, har nógv fólk nýttu høvið at heilsa starvsfólkunum á stovninum.

Margit Stórá, landsstýriskvinna í heilsumálum, bar fram røðu, har hon m.a. vísti á, at ein av hennara raðfestingum fyri 2024 er at styrkja Fólkaheilsustýrið. "Endamálið við raðfestingini er at fremja fyribyrging og fólkaheilsu og at tryggja yvirtøkuna av farsóttarmálsøkinum".

Les alla røðuna her.

Bjarni á Steig, stjóri í Fólkaheilsustýrinum, segði eisini nøkur orð, har hann m.a. greiddi frá virkseminum hjá Fólkaheilsustýrinum farna árið, eins og hann nýtti høvið at takka avvarðandi myndugleikum, landslæknanum og starvsfólki.

Les alla røðuna her.

Myndirnar hevur Ólavur Jøkladal tikið.