Tíðindi

Starvsnæmingar í Heilsustýrinum

Nanna Sciuto Hammer og Stella Mia Mundt hava síðsta hálvárið verið í starvsvenjing hjá Heilsustýrinum við tilknýti til FarGen-verkætlanina. Tær lesa til bioanalytikara á Københavns Professionshøjskole og eru í starvsvenjing á starvsstovuni hjá FarGen á Klaksvíkar sjúkrahúsi.

Í dag tær havt framløgu í Heilsustýrinum um sína verkætlan, har tær hava arbeitt við genetiskari skreening av sjúkum, sum eru vanligar í Føroyum. Eftir jól fara tær í gongd við sína BSc-verkætlan, sum eisini fer at snúgva seg um genetiska skreening í Føroyum.