Tíðindi

Orkuleysir orkudrykkir

Hjáárin av ov nógvari koffeinnýtslu kunnu vera:

• Órógvað hjartarútma

• Høgt blóðtrýst

• Hjartabankan 

• Andaneyð

• Magapína

• Vaml

• Angist

• Órógv

• Svøvnórógv

• Andvekur

Børn og ung eiga als ikki at drekka ella sleppa at keypa orkudrykkir, og heldur ikki at fáa bjóðað orkudrykk í sambandi við ítrótt.

Orkudrykkir hava litríka, lokkandi útsjónd, teir verða marknaðarførdir á ágangandi hátt og fáast við alskyns lættdrekkandi smakkum í hálvliturs eindum og verða druknir eins skjótt og ein leskidrykkur. Tískil er serliga skjótt hjá kroppum í vøkstri at fáa ov nógv koffein.

Umráðandi er, at børn, ung og foreldur teirra vita um vandarnar við orkudrykkjum, tí ovurnýtsla av koffeini kann hava beinleiðis neilig árin á heilsuna og menningina hjá serliga børnum og ungum.

Heilsustýrið mælir til, at børn og ung sløkkja tostan við vatni, eisini tá tey eru kropsliga virkin.

Les meira um orkudrykkir her.