Skráir
Genomskráin
Genomskráin er ein skrá, sum inniheldur ílegudátur og aðrar upplýsingar, sum koma frá menniskjavevnaði.
13. november 2024
Heilsustarvsfólk og granskarar hava skyldu at lata Genomskránni íleguupplýsingar frá teimum ílegugreiningum, sum verða ásettar í kunngerð (er í gerð) og sum verða gjørdar í sambandi við sjúkuviðgerð og/ella í sambandi við eina granskingarverkætlan.
Genom
Genomið fevnir um alt arvatilfarið (DNA) í eini kyknu, og er staðsett í kromosomunum.
Skulu upplýsingar í Genomskránni brúkast til gransking, skal hvør einstakur sjúklingur ella luttakari lata samtykki til hvørja granskingarverkætlan sær.
Endamálið við Genomskránni er at kunna veita dátur til ílegu- og genomgransking umframt at menna persónlagað medisin.
Persónlagað medisin er viðgerð, ið tekur støði í einstaka sjúklinginum – eitt nú ílegusamansetingini – soleiðis, at viðgerðin verður lagað til einstaklingin.
Les meira um persónlagað medisin her.
FarGen
FarGen er partur av Genomskránni. FarGen ger genom- og heilsukanningar av føroyingum og savnar kanningarúrslitini í einum dátugrunni, sum er ætlaður gransking í føroyskum ílegum.
Les meira um FarGen her.
