COVID-19

Vandabólkar

Tey, sum eru í serligum vanda fyri at gerast álvarsliga sjúk av COVID-19, eru:

• Eldri, serstakliga eldri yvir 80 ár.

• Persónar við kroniskum sjúkum.

• Persónar við hjartaæðrasjúkum (ikki galdandi fyri væl viðgjørt høgt blóðtrýst).

• Persónar við kroniskari lungnasjúku (ikki galdandi fyri væl viðgjørt astma (brósttrongd)).

• Persónar við veikari immunverju (viðføtt ella orsakað av heilivági ella sjúku, sum lækkar immunverjuna, t.d. AIDS).

• Persónar við diabetes 1 og 2.

• Persónar við krabbameini.

• Børn við kroniskum sjúkum.

• Barnakonur (fyri at verða varin).

Mælt verður til, at tey, sum eru 65 ár ella eldri og tey, sum eru í vandabólki verða koppsett á hvørjum ári móti COVID-19 og influensu. 

Les meira um koppseting móti COVID-19 her.

Húski hjá persónum í vandabólki

Eins og persónar, sum eru í vandabólki eiga at vera ansnir, tá smitta við COVID-19 herjar, so eiga eisini húskini hjá teimum at vísa serlig atlit í sambandi við smittu. 
Mælt verður til ikki at fara har, sum nógv fólk eru savnað, eins og at hava serliga gott handreinføri. Fylg annars ráðunum um reinføri í sambandi við COVID-19:

• Vaska tær væl og ofta um hendurnar.

• Hosta ella njós í ermuna – ikki í hendurnar.

• Avmarka kropsligt samband við onnur sum til dømis lógvatak, klemm og kinnkoss.

• Halt eyga við reinføri bæði heima og til arbeiðis.

• Ver sera ansin í støðum, har nógv fólk savnast.

• Kennir tú teg sjúka/n ella hevur sjúkueyðkenni, verð so heima, soleiðis at tú ikki smittar onnur.